"la sorĉistetino" Pala ŝminko, nigra velur' Ŝi legis pri magio en ia broŝur' La Sorĉistetino... Sorĉistetino... Ŝi lastatempe vidis furor-filmon Deziris simili la magul-heroinon Ŝi celas iĝi saĝa nun Sidante en komforta Mistika povo liberigos ŝin El ŝia junaĝo morna La sorĉistetino kun viv' enua Kreis novan memon per imago flua Ridinde eble, sed ŝi vojon trovas Kaj normaligi ŝin neniu povas La sorĉistetin' aspektas tiel lakone Mi volus ŝajni kiel ŝi impone Sed ŝi bone intencas (aŭ ion intencas) Kiu dirus ke ŝi rajtas ne? Lumigitaj kandeloj, modifita mensa stat' Kaj disko de Baŭhaŭs en ŝia manplat' La Sorĉistetino... Sorĉistetino... Ŝi fermas kurtenojn kun sorĉa kanto kruda Por ke gepatroj ne ekvidu ŝin nuda Ŝi novajn mantelon kaj nomon portas Ĉapelon kaj juvelon Per multaj libroj ŝi Tarokon lernis Kaj nun serĉas gardangelon La sorĉistetino kun viv' enua Kreis novan memon per imago flua Kaj se io ĝenas, ŝi renversos ĝin Ŝi timigi penas, do evitu ŝin La sorĉistetinon mi deziras Sed ŝia strangeco min mirigas Ŝi bone intencas (aŭ ion intencas) Kiu dirus ke ŝi rajtas ne? Vizaĝo blanka min allogas Ĉu mi tuŝu ĝin? La lipojn nigrajn mi kisi volas De l' kara sorĉistin'... Ŝi regas la Misterojn per nova kristalsfero Ĉu iu mokas ŝin? Iru ĝi al l'infero! La Sorĉistetino... Sorĉistetino... Patrino kaj karulo povas ne kompreni Ŝi serĉas en la libroj por kiel malbeni Tra l'Alimond' ŝi drivas Certecon serĉas ŝi Sed nur reflekton de ŝia ŝminko en spegulo vidas ni... La sorĉistetino kun viv' enua Kreis novan memon per imago flua Ridinde eble, sed ŝi vojon trovas Kaj normaligi ŝin neniu povas La sorĉistetin' aspektas tiel lakone Mi volus ŝajni kiel ŝi impone Sed ŝi bone intencas (aŭ ion intencas) Kiu dirus ke ŝi rajtas ne? ...jes, ŝi bone intencas (aŭ ion intencas) Kiu dirus ke ŝi rajtas ne?